كنت حاسس

شكر خاص لصديق المدونة الفنان/ سعيد الصياد علي قصيدته الرائعة

كنت حاسس ..

من سكوتك .. صمت صوتك ..

كان خريف ..

كنت حاسس ..

من هروبك .. من ردودك ..

إني دلوقتي ف حياتك

بس .. ضيف!!

كنت حاسس ..

قبل حتي ما تنطقيها ..

كنت حاسس بالنهاية ..

قبل حتي ما تعلينيها ..

من برودك ..

من إيديكي ..

لما كنتي من إيديا

بتسحبيها ..

من عينيكي ..

لما كنتي عن عينيا

بتداريها ..

صدقيها ..

الدموع اللي ف عنيا

بتشوفيها..

صدقيها ..

حاجة ماتت فيا ..

بس لسه

مش مصدق ..

كنت بأغرق ..

كنت شايف في الساعة دي ..

كل شيء حواليكي

عادي ..

ألف ليه؟!!

ألف لأ ..

ألف آهه ..

ألف صرخة !!

نفسي أنطق ..

بس أعمل إيه ؟!!

جرحي جوايا مداريه ..

الشاعر / سعيد الصياد