أنا مش أناضولي

أنا مش أناضولي

أنا مش أناضولي

أو إسطانبولي ..

أنا مصري

و مصري بجد ..

و جد جدودي مش م الهند

أو م السند !!

لااا ..

دا من مدبولي ..

أنا .. مش أناضولي ..

دا أنا حتي لساني ..

بيرطم عربي

لا بيعرف إغ

و لا أكسون ..

و لا راح لندن

و لا زار الشانزيليزون ...

ما بيعرفش إلا الفلاحي ..

لأ .. و الواد سيد

و الشيخ ضاحي ..

و مأذون الحي ..

اللي بقالو كتير

ما كتبش كتاب ..

و هايكتب ليه ؟

و ما فيش أحباب !!

و العيشة هباب !!

المهم ..

إوعاك تهون ..

زي ما هانت كرامتي ..

زي ما هانت رجولتي ..

زي ما هانت أصولي ..

أنا .. مش أناضولي ..

أنا من جوايا طفولي ..

نفسي أغني

نفسي أفرح

نفسي أمسك ورد

مش معاه الشوك بيجرح

نفسي يوم أحضن حبيبتي ..

و أقولها ع اللي جوايا ..

مش لما أقول !!

أحط إيدي علي أفايا ..

أو حتي أتلفـِت ورايا ..

لاأخدلي ميت ألم

علي سهوا ..

ما هو دا جزات

اللي بيهوا ..

يا إما يهوى !!

يا إما يهواا ...

يا إما في الخنكة

تجولي ..

ما أنا .. مش وصولي ..

يبقي أكيد مش إيه ؟

مش أناضولي !!

الشاعر / كمال الصياد