في ظل الحصار
في ظل الحصار ..
ما فيش أعذار ..
حقك و ضايع
في عز النهار ..
قلبك و خاضع
مـُسالم و قابل
يدوق المرار ..
قابل تكون الضحية
اللي جايه
عاشت و ماتت
وهي لسه حيه
ما فيش أي حيلة ..
أماني جميلة ..
ضاعت في ليلة ..
بدون اعتذار ..
في عز النهار ..
يضيع الأمان
و تفضل جبان
لا طايل سما
ولا أرض
و لا عارف تكون إنسان
في عز النهار ..
يبان الشيطان
لابس ملاك
و عايش معاك
يطالب بحقه
يطالب بأرضه
و أنت جبان !!
بلاش انهيار ..
ما عدش انكسار ..
الحقيقة ..
مر علقم ..
بانتصارك
تبقي أطعم ..
بانكسارك
موتك أرحم ..
الجراءة في القرار ..
في عز النهار ..
يموت الصغار ..
في حضن الكبار ..
يقولوا انتحار ..
أقول انتصار ..
لكن خسارة
يموتوا في غارة
في شارع
في حارة
في أيدهم حجارة
أكيد انتصار..
أكيد أحرار ..
في ظل الحصار ..
الشاعر / كمال الصياد
