كرباج مرور

كرباج مرور !!

كرباج مع إشارة مرور ..

وقف الماتور ..

البغل عايز يتملي

بالزمبلك ..

علشان يصحصح

يبقي طور ..

خادني الغرور ..

كربجته تاني ..

عشان يثور ..

قفش الماتور ..

بقي استحالة خلاص

يدوور ..

وقف الطريق

و الزحمة ضيق

و الحر فرهد حضرته ..

نزل أوام من خنقته ..

حــَّب علي راس

البهيم ..

هلل وجاب خمسين

حكيم ..

وقفم طابور ..

خادني الغرور ..

كربجته تالت ..

عشان نغور ..

زرجن و تــَّبـِت ..

نزلت أهــَّبــِد ..

بقت حكاية ..

طلع الحكيم في الآخرة

دايا ..

عارف وساكت

م البداية ..

آل إيه طلع

الفتيس مكسور !!

يبقي بس إزاي

يدوور ؟!!

الشاعر / كمال الصياد