مواقف يومية " شعر زجل "

نشكر الفنان / سعيد الصياد علي مشاركته في المدونة بأشعاره الرائعة ونسعد بنشر قصيدة " مواقف يومية "

- جميع ما حدث بالأسفل كان في يومٍ واحد فقررت أن أدونه للتاريخ كما كتب سعيد الصياد

" فرن العيش "

في فرن العيش ، وأنا واقف

طابورنا طويل ..

في فرن العيش ، وأنا ب أحلم

بحلم جميل ..

في فرن العيش

أنا شايف رغيف العيش

و مش طايله ..

لأن الناس قدامي و ....

طابورنا طويل ..

و بنسي عذابي لو طّول ..

و لما وصلت في الأول ..

و مستني يجيلي العيش ..

لقيته مافيش !!

" تاكسي "

أنا قلت تاكس ..

و لا حد عبـّر..

وقلت يأس .. وقلت أصبر..

و بعد ساعة لقيت بتاعة

بتقولي "بييب"

أنا قلت تاكس ، وراح واقفلي ..

بقوله " ششتا "

رد وقالي :

- كان غيرك أشطر ..

قلت أصبر .. قلت يأس ..

وبعد ساعة لاقتني راحل

واخدها مشي !!

" مصلحة حكومية "

كانوا أتنين واقفين

عايزين نفس الشيء ..

واحد طـّلع خمسة جنية

قاله البيه :

- إمشي يا نجم ..

التاني قاله :

- ياللا يا بيه ..

رد البيه :

- ناقص ختم !!

الشاعر / سعيد الصياد