بلاش نحلم " شعر حـــُــر "

بلاش نحلم ؟!!

بلاش نحلم !!

بلاش ..

دا حلم صغير من

سنين ولسه

ما جاش ..

أخاف أحلامي تكبر

و ما أطولهاش ..

و ساعتها أكون فعلاً

بقيت ببلاش ..

عشان خاطري كفاية ..

بنكبر وكل يوم

في حكاية ..

مش ضامن الثانية

اللي جايا ..

هتكوني معايا ..

و لاّ مش معايا !!

بلاش ..

خاليني ع الهامش..

أقله حبيبتي

أكون عايش ..

ما أنا جوايا

مش عايش ..

لإني رضيت

أكون ما أسواش ..

بلاش يكون لي

حتى كيان ..

بلاش م الأصل

أكون إنسان ..

دا أنا في الحب

حتى جبان !!

بقالي كتير

ما بنطقهاش !!

بلااااش !!!

الشاعر / كمال الصياد