شعر حـــُــر " كان ياما كان "

كان يا ما كان

طفل صغير ..

شاف الموت قدامه

إتحير !!

كبر الخوف جواه ..

و إتغير ..

غـّير طيبته ..

غـّير طبعة ..

كان لازم فعلاً

يتغير ..

الطفل ..

اللي من المفروض

يدادوه ..

بيمد إيديه

يحمي أبوه !!

اللي بيصحي

علي الأجراس ..

بقي بيصحيه طلق رصاص !!

بقي بيخاف

من صوت الناس ..

و كمان مش عايزين يتغير ..

الطفل !!

اللي في المهد شاب ..

اللي شايل هـَّم

ما يشلهوش شباب !!

اللي مش لاقي لبكرة

أي باب ..

مش عايزينه يتحير !!

دا طفل صغير ..

دا من المفروض

يتهدهد ..

إزاي بقي عارف

يتشهد !!

يرفع سبابته

و يتلي شهادته

ويبكي كمان !!

كان يا ما كان ..

الشاعر / كمال الصياد