شعر حـــُــر " شهاداتك يا مصر "

شهاداتك يــــا مصر

شهاداتك يا مصر ..

متعلقة علي كآم جدار ..

باشوفها ..

بيجيلي انهيار ..

باعيش معاهم

الانتصار ،

و الانكسار ..

سهر الليالي ،

و تعب النهار ..

و أنا مــُصِر

إني أنتصِر ..

آخد شهادة ،

و أنكسِر ..

يا يجيلي كبت

و أقول تعبت

ما أنا لو هعيش

أد ما عشت

هافضل حمار ..

أو حتي جحش

واخد شهادة ،

و ما فلحش

ما أنا أصلي

مش ابن وزير ..

أول ما أخلَّص

أكون مدير ..

و القبض يبقي بالدولار ..

شهاداتك يا مصر ..

بكتيره تبقي ع الجدار ..

الشاعر / كمال الصياد