شعر حـــُــر " ما تزعليش "

ما تزعليش

ما تزعليش يا طيبة ..

يا حنينة ..

لو قولت عنك

أي كدب ..

ما تزعليش لو قولتها

في وقت كرب ..

أنا لسه حـــَّبك ..

لسه أبنك ..

و بالأمارة

تلميذ في طب !!

كان وقت خنقه وضيق ..

زهقت من كتر الزعيق ..

صوتي أتنبح وكأني (...)

بحبك يا أم الحضارة ..

أصلي أتربيت في حارة ..

م أقدرش أنكر جميلك ..

حبك في قلبي غارة ..

ما تزعليش لو يوم

هربت ..

لو أكتئبت ..

كان غصب عني

لأني شـــِبْت ..

بس في جيناتي

أنا لسه شاب ..

حامل رايات الألف

صعب ..

لأني صلب ..

ما تزعليش يا طيبة

يا حنينة

لو قولت عنك

أي كدب ..

الشاعر / كمال الصياد