الأهلي يا ابني

دا الأهلي يا ابني مش أي حد

الكورة لعبة واخدها جد

اتأني يا ابني .. احسب وعِد

كم كاس ودوري .. الأهلي خد

******

دا الأهلي يا ابني وهس هس

دا المية مية .. مش نص نص

دا الكنج هو .. والبج بص

سكت يعني مش لاقي رد ؟!!

******

دا الأهلي يا ابني مش أي نادي

رافع دايماً راية بلادي

في أي حت .. في أي وادي

خميس وجمعة .. سبت و حد

******

دا الأهلي يا ابني أصل الرجولة

كرامته عنده قبل البطولة

درجته يا ابني .. الدرجة الأولي

و ان قولت قيمة .. هرم و سد

******

دا الأهلي يا ابني .. فريد زمانه

و لا حد يقدر ياخد مكانه

و لمين هنهتف لو مش عشانه

دي مصر قبله .. و الأهلي بعد

******

دا الأهلي يا ابني و الكل عارف

ع الفوز بيلعب .. و أظن شايف

شعاره روح لو كنت خايف

و ان قولت لأه .. شمر وصــُد

******

دا الأهلي يا ابني أعطم إدارة

جهاز تملي رهن الإشارة

لعيبة تدي من غير إمارة

جمهور حقيقي .. جمهور بجد

******

أشعار
محمد عيسي