قصيدة " جنية النظام "

جنية النظام ..!!

السياسة .. للساسة العِظام ..

مش بس لبتوع الكلام ..

للي فاهمين الدماغ ..

مش حزب عَّاليِنا الدماغ..

حزب أتباع النظام ..

السياسة ..

كلمة بتهز البيوت ..

لما يجيلك

حضرة جناب الإخطابوط..

يقلب ورق ..

باعديه ورق..

وكمان دولاب ..

و حبة فلوس بتتسرق ..

وفجأة !! وشه ينقلب..

بيقول : أهه !!

الكل حاله ينقلب..

ماسك جنيه

م اللي إتنهب ..

بيقول: لقيت الدليل ..

كان الدليل ..

جنيه ورق !!

من حُر مالي

اللي إتسرق ..

جريت عليه و قولت : إيه؟!!

قالي : هو انت بتقطّع جنيه؟!!

هو انت يا بتاع السياسة ..

مش عاجبك جنيه النظام ؟!!

قولتله: هو النظام يبقي الجنيه؟!!

اللي إتلزق !!

مش دا المهم ..

المهم إنه إتسرق !!

للشاعر / كمال الصياد